Chilli Parotta ගෙදරදීම හදාගමු..

චිලී පරාටා (Chilli Parotta) කියන කොටත් කටට කෙළ උනන අය ලංකාවෙත් ඉන්නවා. ඒ නිසාම අපි හිතුවා චිලී පරාටා රසට ගෙදරදිම හදාගන්න විදිහ කියලා දෙන්න.

මුලින්ම කියන්න ඕන චිලී පරාටා කියන්නේ ඉන්දියාවේ බොහොම සුප්‍රසිද්ධ ආහාරයක්, දකුණු ඉන්දියාවේ මාර්ග දෙපස කඩවල අනිවාර්ය කෑමක් තමයි චිලී පරාටා කියන්නේ. ඒ නිසාම බොහොම කාලයක් තිස්සේ ලංකාවේත් චිලී පරාටා බොහොම රසට හැදෙනවා.

සාමාන්‍යයෙන් චිලී පරාටා කියන්නේ කැලරි අධික ආහාරයක්. ඒක නිසා ඉඳලා හිටලා ඇරෙන්න නිතර ආහාරයට නොගන්න තරමට හොඳයි. හරි දැන් අපි බලමු කොහොමද චිලී පරාටා හදාගන්න විදිහ පියවරෙන් පියවර,

චිලී පරාටා හදාගන්න කලින් සාමාන්‍ය පරාටා හදාගන්න වෙනවා. ඒකට පිටි (ඇමරිකන් පිටි වගේම ආටා පිටි) වලට ජලය සහ ලුණු ප්‍රමාණවත් තරම් එකතු කරලා එකට කලවම් කරලා හදාගන්න පේස්ට් එකට තෙල් එකතු කරලා ගුලියකට හදලා පිරිසිදු රෙදි කඩකින් හෝ තෙල් කඩදාසියකින් ආවරණය කරලා තබන්න.

ඊට පස්සේ කොටස් වෙන් කරලා අරගෙන හරියට රොටි හදනවා වගේ පැතලියට තැටියක් ආකාරයෙන් හදාගෙන තෙල් දැමූ තැටියක හරි පෑන් එකක හරි රත්කර ගන්න. එතකොට ඔබට පරාටා හදාගන්න පුළුවන්. මෙහෙම හදාගන්න පරාට අඟල හෝ අගල් භාගය ප්‍රමාණයේ කොට වලට කපාගන්න, පිහියකින් හෝ වෙනත් තලයකින් මෙහෙම කපාගන්න පුළුවන්.

ඊළඟට භාජනයකට තෙල් ප්‍රමාණවත් තරමක් දාලා ලිපේ තබලා ගින්දර අඩුවෙන් තිබියදී ළූණු, අමුමිරිස් සහ ඉඟුරු පැහැය වෙනස්වන තෙක් බැදගන්න. ඉන්පස්සේ ඒවා භාජනයෙන් ඉවත්කරලා සම්පූර්ණයෙන්ම නිවෙන තෙක් තබන්න.

කඩල පිටි ග්‍රෑම් 100ක් පමණ අරගෙන එයට ජලය මිශ්‍රකරලා හදාගන්න පේස්ට් එකක් හදාගන්න. එයටම තිරිඟු පිටි ස්වල්පයක් එකතු කරන්න. මෙම පේස්ට් එක හදාගන්න තේ කෝප්ප 2ක පමණ වතුර ප්‍රමාණවත් වේ.තෙල් දැමූ භාජනයක ළූණු, මිංචි කොල, කොත්තමල්ලි කොළ(අවශ්‍යනම්) මදගින්නේ විනාඩි 5-7 ක් පමණ හොඳින් බැදගන්න. එයට ලුණු මේස හැඳි භාගයක් එක් කරන්න.

හොඳින් බැදීගෙන එද්දි කලින් සාදාගත් පේස්ට් එක තෙල් භාජනයට දමා හොඳින් මිශ්‍රකරගන්න.එයට මිරිස් කුඩු හැඳි දෙකක්, තක්කාලි සෝස් අවශ්‍ය ප්‍රමාණයට සහ ගම්මිරිස් ස්වල්පයක් එක් කරන්න. දැන් භාජනයේ ඇති කරි මිශ්‍රණය හොඳින් පිසගත්තට පස්සේ කලින් කපාගත් පරාටා කැබලි එකතු කරන්න.

විනාඩි 5කට ආසන්න කාලයක් හොඳින් පිසගන්නකොට රන්වන් පැහැයේ සිට රතු පැහැයට හුරු තරමට හදාගත්ත චිලී පරාටා සුවඳින්ම හඳුනගන්න ඔබට පුළුවන් වෙයි. ඊට පස්සේ ප්ලේට් එකකට දාලා මේසේ වෙත යවන්න කලින් බෙල් පෙපර් වගේ දේවල් එකතු කරන්න පුළුවන්.

අවුරුදු කෑම මේසයට වුනත් එකතු කරගන්න පුළුවන් රසවත් වගේම ආගන්තුක කෑමක් තමයි චිලී පරාටා.

Admin her.lk
Author: Admin her.lk
editor.her.lk@gmail.com

Latest News